مسموعه قصائد الشاعر حامد الزيد

الرتبه عدد الرسائل : 797 تاريخ التسجيل : 02/05/2007

ـألـتِـمـثـَـــآل ..

.. لـِ ـالإسـتـِمَــــــآعٍ ..

عفا الله عن خطا غدر الخناجر والضلـوع ابطـال
بسامح واتركـك تحـت الظـلام الحالـك لحالـك

دخيلك وفر دموعـك تـرى هـدر الدمـوع اذلال
وترى ما فيه أحد يصبر مثـل صبـري بغربالـك

انا عيب علـي أنقـض كلامـي والرجـال افعـال
واذا قلت اقطـع احبالـك ترانـي بقطـع حبالـك

عشان اكسب هدب عينك تجرعت العـذاب اشكـال
وليتـك تـرأف بحالـي علشـان ارأف بحـالـك

مسوي فـي حياتـي شـي مـا يذكـر ولا ينقـال
حشا حتى العدو وهو العـدو مـا يعمـل اعمالـك

تمسيني علـى الهـم وتصبحنـي علـى الغربـال
تقلطنـي فناجيلـك وتقـصـر عـنـي دلالــك

تحملت التعـب لجلـك وانـا حملـي يهـد جبـال
رحلت من العـذاب ومـا وقفـت الا علـى جالـك

علامك كل مـا جيـك متواضـع جيتنـي تختـال؟
معاك اليا متي بصبـر وصبـري معـك يحلالـك؟

مثل ما اقبلـت لعيونـك لـزوم تلـد لـي باقبـال
ومثل ما قد حشمتك حس واحشم قلبي اشوى لـك

أنـا محـدن بجابرنـي أسايـر معـك هالمنـوال
ترى لانـي تبيـع لـك ولا نـي باصغـر عيالـك

أنا جيت اعشقك نبض ومشاعر ما اعشقك (تمثال)
أنا جيت اسكنك واحياك وابقى فيـك وابقـى لـك

أنا جيت بظما عاشق تعب يطـرد سـراب الـلال
أنا جيت استفز رضاك مـن فرقـاك والجـا لـك

أنا ما همت بك عاقل أنـا كنـت اعشقـك بخبـال
أنا ما كنت احبك حي أنـا كنـت اعشقـك هالـك

تخيل من كثر مـا اخـاف تلقـى للزعـل مدخـال
أخاف اخطي على طيفـك وادوس برجلـي ظلالـك

تبعتـك والعـرب تتبـع رعـود البـارق الهمـال
وانا شفت المطـر يتبعـك فـي حلـك وترحالـك

كأن اللي خلق حسنك خلقني مـع جسـدك ظـلال
وصرت اقرب جسد يمشي معـك باقفـاك واقبالـك

أبـي قلبـك يحـس انـه فقـد بمحبتـه رجــال
ملكته من هدب عين وخسـرت رضـاه باهمالـك

صحيح ان الفراق اقسـى ولكـن الوصـال محـال
أنا صعبن علي أرضي غـرورك واضعـف قبالـك

بعـد مـا حققـت عينـي فبعـدك للرقـاد امـال
أعود للسهر؟ -- يا خـوي فـال الله ولا فالـك!

ببدل نظرتك فيني واجـي لـك كـل يـوم بحـال
بكون اقـرب مـن ثيابـك عليـك ولا تهيـا لـك

بلمك وانثرك واجمعـك وارجـع وانثـرك باهمـال
بخونك وازعلك وارضيك وازعل منك وارضى لـك

أبرسم بالثرى وجهـك وابدفـن صورتـك برمـال
أبشكي للعـرب فرقـاك واضحـك عنـد عذالـك

أبهديك الوصال فـراق واهديـك الفـراق وصـال
بسوي مثل مـا شوفـك تسـوي وافعـل افعالـك

عشان تعرف من فينا الزعول ومن وسيـع البـال
أبيـك تـذوق فنجالـي وانـا بــذوق فنجـالـك

نصيحة واحتفظ فيها قصر معـك الزمـن أو طـال
أبي تسمـع كلامـي زيـن وتحطـه علـى بالـك

اذا حبك هبال اطفـال لـك عنـدي هبـال اطفـال
ولا --- وابشر بعد بهبال حب ٍ ما هـو بهبالـك

واذا قصدك تهين اسمي عشـان تشمـت العـذال
ترى لا انته ولا غيرك --- ولا عشرة من اشكالك

حَـــد عِـلـمــيٍ ..

.. لـِ ـالإسـتـِمَــــــآعٍ ..

حد علمي بالغلا يوم كنت أسـوى كثيـر
يوم كانت ضحكتي طبع وعنـادي سمـه

وحد علمي بالغلا يـوم خفاقـي ضريـر
قبل أهدم العشق وأبنيه وأرجـع وهدمـه

وحد علمي بالبكاء يوم لي قلب وضميـر
قبل أشوف المسلم يموت بيـد المسلمـه

إيه عدّت من يدي بـس ماعـدّت بخيـر
ليلـةٍ عيّـت تجينـي وجتنـي مظلمـه

من عرفت إحساسها كن في قلبـي نذيـر
والنهار المكتئـب بايـن ٍ مـن مقدمـه

ليلـةٍ حسيتـهـا لاتـجـور ولاتجـيـر
مثل طفـل ٍ ماحقرتـه وعيّـت إحشمـه

وأصبحت مثل شعره وأقصمت ظهر البعير
وأبتدى في موته الجرح من حيث إختمـه

صارلي بالعشق مالا هقيت أنـه يصيـر
أنظلمت بعشرت أنسـان ماكنـت إظلمـه

العشير اللي تبرى من ضلـوع العشيـر
الحـلا عـزّز خطايـاه والحـظ إخدمـه

لاتبسّم يكسـر النـور بعيـون البصيـر
وكن شمس المغربيـه تبـات إبمبسمـه

معتدل فـي قامتـه لاطويـل ولا قصيـر
ممتلي بالزين من معصمه لـي معصمـه

فيه بلوان الهدب لون غير ولـون غيـر
مثل ما للرمـش بالعيـن قصـه مبهمـه

كنها نكس البيارق علـى شـط وغديـر
ومثل لملمت الشتـات بشتـات اللملمـه

مـع سـواد مجـدّل ٍ مايثـور إلا يثيـر
كنـه اللـي ينهـم الريـح ثـم ٍ تنهمـه

ماتجمع لين قيّـد حريـر ٍ مـع حريـر
في ضـلام ٍ علّـم الليـل مالـم يعلمـه

ماهقيت إن الهدب صلف وأجفانه تغيـر
لين سلهم لعنبـوا جـد ذيـك السلّهمـه

ماعتقني ليـن سـاق البشايـر للبشيـر
يوم صد وجـاه قلبـي بشحمـه ولحمـه

والله إنه حط قلبي تحت رحمـت شطيـر
في يديـه وكـل مـاراد يقسمـه قسمـه

ياعساني ماعدم إرضاه في برد وهجيـر
ولوعدمـت مروّتـه ياعسانـي معدمـه

إن طلب عيني رضا قلت ماغيره نظيـر
وأنشرب دمي غضب قلت يستاهـل فمـه

واهنيّـه يرقـد الليـل مرقـاد الغريـر
كن نومه لابغى يهـزم الجفـن إهزمـه

وإلنا من صفرة عصير الى صفرة عصير
والسّهـر يايلـزم العيـن وإلا تلـزمـه

لو صحيح إن الحبيبين يجمعـه مصيـر
كان نفس اللي حرمني من النوم إحرمـه

والله إن مروّتـي ولّعـت فينـي سعيـر
يوم شفتـه تـل قلبـي وداسـه بقدمـه

مارحم زهرة شبابي وأنا تـوّي صغيـر
لين ضيّق خاطـري ضيّـق الله إنسمـه

إيه عدّت من يدي بـس ماعـدّت بخيـر
ليلةٍ عيّت تجـي بـس جتنـي مضلمـه

حد علمي في عناهـا عـذاب وزمهريـر
يوم قمت أوحي بالاضلاع صوت وهمهمه

وحد علمي بالرجا من نصير اليا نصيـر
يوم شفت النّفس تذبح وهـي مستسلمـه

وحد علمي بالبكا يوم لي قلـب وضميـر
قبل أشوف المسلم يموت بيـد المسلمـه

ودمتم00بود

الرتبه عدد الرسائل : 430 تاريخ التسجيل : 02/05/2007

مشكورة اخت نانى ولا يحرمنا من مزيدك
يسامموا

الرتبه عدد الرسائل : 797 تاريخ التسجيل : 02/05/2007

العفو اخي محمود ولا يحرمني من تواصلك الغالي

ودمت

الرتبه عدد الرسائل : 218 تاريخ التسجيل : 30/07/2007

واو بجد اكثر من رائع اختى ومزيد من التقدم